Loading ...
Nuk mund të kishte mbyllje më të bukur.
Dy vëllezër binjakë shqiptarë I dhanë fund si heronj sezonit në Serinë B të Italisë, dhe shpresat I kanë të mëdha që të ftohen nga ndonjë skuadër e elitës që këtë verë.
Këta janë Stiven e Kristian Shpendi, ndërsa shënuesit më të mirë të ligës së dytë në Apenine.
Stiven shënoi pas vetëm 30 sekondash, në një fillim të rrufeshëm.
Pasi skuadra e tij vuajti shumë dhe Monza përmbysi rezultatin në 2-1, u desh sërish sulmuesi shqiptar që të shpëtonte të vetët.
Barazoi në minutën e pestë shtesë, duke I siguruar qendrimin në Serinë B.
Për Shpendin “toskan” janë 15 rrjeta në këtë kampionat, duke qenë në podiumin shënuesve, e duke merituar Këpucën e Bronzit, si dhe ka edhe dy asistë.
I vëllai I tij, Kristiani, nuk është shumë më prapa.
Ai realizoi gjithashtu dy gola në duelin që Çezena e tij e humbi me shifrat 4-3 në shtëpi ndaj Padovës.
Edhe Shpendi tjetër realizoi shpejt, që në minutën e 5-të për barazimin e përkohshëm 1-1, ndonëse kjo nuk e ndihmoi skuadrën nga Emilio-Romanja që të merrte të paktën pikën.
Në një përballje të çmendur, jo edhe aq tipike për futbollin italian, 22-vjeçari që është thirrur një herë në kombëtare nga trajneri Silvinjo, shërbeu asistin për golin e avantazhit 2-1.
Nuk mori fund me aq sepse djaloshi I lindur në Ankonë dhe me origjinë nga veriu I Shqipërisë realizoi edhe barazimin 3-3 pasi miqtë nga Padova kishin përmbysur shifrat.
Në fund, ndeshja u humb madje në minutën e fundit, por Kristiani e mbylli kampionatin me 12 gola dhe 5 asistë.
