Kur grumbullohen detyra të papërfunduara, detyrime, ambicie, në mendjen tonë mund të lindë “konfuzioni”, një mori mendimesh dhe strategjish, por edhe ndjenja se nuk arrijmë dot asgjë të realizojme . Ndjenja të tilla mund të çojnë në ngarkesë emocionale.
Për t’i mbajtur gjërat nën kontroll, përdorni rregullin e fuqishëm ” 60 sekonda” .
Rregulli i një minutë u krijua nga autorja Gretchen Rubin. Është jashtëzakonisht e thjeshtë, ju duhet të bëni çdo detyrë që mund të kryhet në një minutë, menjëherë dhe pa justifikime.
Kjo vlen për gjithçka, nga hedhja e letrës në kosh, larja e filxhanit në lavaman, postimi në rrjetet sociale dhe dërgimi i emaileve. Ideja nuk mund të ishte më e thjeshtë, por qëndrueshmëria është thelbësore.
Rregulli i një minutë “duhet ndjekur vazhdimisht nëse doni të shihni rezultate. Dhe kjo kërkon punë”, theksoi Rubin. Por ajo gjithashtu premton se rezultatet ia vlejnë.
“Një shoqe më tha se apartamenti i saj u bë mjaft i rregullt, pa shumë përpjekje nga ana e saj. Një mik tjetër tha se produktiviteti i tij u rrit, sepse ai bënte shumë gjëra të vogla shpejt, kishte shumë më tepër kohë për detyra më të mëdha”, shkruan ajo.
Psikologët kanë një koncept të quajtur efekti Zeigarnik që shpjegon pse detyrat e papërfunduara vazhdojnë të kthehen në mendjen tuaj. Kur kemi detyra dhe përgjegjësi në pritje, ato shfaqen përsëri dhe përsëri në mendjen tonë. Përkujtuesit e përsëritur ndalojnë vetëm kur përfundoni një detyrë duke e planifikuar ose përfunduar atë.
Për shembull, palosja e çorapeve të lara merr vetëm një minutë, por mendimi se duhet të palosim çorapet na ndjek gjithë ditën. Gjithashtu, përvoja tregon se ndiheni shumë më të qetë kur shkruani në letër detyrat që duhet të përfundoni. Kujtesat tona mendore të pafundme të detyrave të vogla të papërfunduara shtojnë shumë stres.
Rregulli një minutë ose 60 sekonda ju inkurajon të bëni detyra më të lehta më shpejt për të çliruar mendjen dhe kohën tuaj, në mënyrë që të mund të përqendroheni në detyra më të rëndësishme dhe më të vështira pa presion. Pra, mos shtyni asgjë që ju merr 1 minutë, por veproni! /abcnews.al
