Një automjet tip “Benz” ka marrë flakë, mbrëmjen e sotme në Pogradec. Ngjarja ka ndodhur në afërsi të stadiumit. Sipas policisë lokale mjeti në pronësi të G. L., ka qenë i parkuar në momentin që është përfshirë nga flakët.
Shërbimet zjarrfikëse dhe ato të policisë ndodhen në vendngjarje. Sipas “bluve” paraprakisht dyshohet se zjarri është shkaktuar nga një problem teknik i makinës.
Njoftimi i policisë:
Pogradec/Informacion paraprak
Më datë 06.01.2022, rreth orës 22:20, jemi njoftuar se në lagjen nr. 1, Pogradec, ka rënë zjarr në mjetin tip “Benz”, në pronësi të shtetasit G. L, i cili ka qenë i parkuar. Nga veprimet e para hetimore, dyshohet se zjarri ka rënë nga shkaqe teknike të mjetit.
Grupi hetimor po punon për sqarimin e rrethanave të ngjarjes.
g.v/abcnews.al
