Të paktën 8 persona kanë humbur jetën mes tyre gjashtë fëmijë, pas një zjarri që përfshiu disa banesë pranë kryeqytetit të Filipineve, Manila.
Mediat e huaja raportojnë se ngjarja ka ndodhur mëngjesin e kësaj të hëne, ku si pasojë e flakëve janë shkatërruar 80 shtëpi.
Zjarri filloi në katin e dytë të një shtëpie në një vendbanim të mbushur me njerëz brenda kampusit të gjerë të Universitetit të Filipineve, në Quezon City.
Oficeri i lartë i zjarrfikësve Greg Bichayda ka bërë me dije se u deshën gati dy orë për të shuar flakët.
“Zjarri u përhap shpejt”, tha Bichayda, duke shtuar se viktimat nuk ishin në gjendje të largoheshin nga shtëpitë e tyre.
Ndërkohë deri më tani nuk ka asnjë informacion në lidhje me shkaqet e këtij zjarri. /abcnews.al
