Shkëndija e Tetovës la dy pikë në fushën e Sileks dhe mbrojtja e titullit kampion vështirësohet shumë. Diferenca me Vardarin e vendit të parë ka shkuar në 10 pikë, distancë shumë e madhe për t’u rikuperuar.
Renova fitoi derbin e shqiptarëve përballë Struga Trim Lum. Skuadra nga Tetova shënoi nga një gol për pjesë dhe siguroi një fitore të rëndësishme për mbijetesën.
Shkupi nuk ia doli të ruante avantazhin e Besar Isenit dhe u përmbys në pjesën e dytë nga Rabotnicki, që iu fal dygolëshit të Toshevskit. Në ndeshjen tjetër, Makedonija GP mposhti Akademija Pandev me rezultatin 1-0. /abcnews.al
