Shkëndija nuk ia doli të fitonte në transfertë. Kampionët në fuqi barazuan pa gola përballë Makedonija GP. Kuqezinjtë e Gjokës zhvilluan një ndeshje të dobët, nuk arritën të gjenin rrugën e rrjetës dhe iu larguan edhe më shumë kreut të renditjes.
Diferenca me Vardarin e vendit të parë është 12 pikë pas javës së 12-të. Struga Trim&Lum doli pa pikë nga transferta kundër Sileksit. Një gol i Ivan Ivanovskit vendosi fatet e ndeshjes dhe i dhuroi fitoren vendasve.
Gola dhe emocione në duelin Renova-Shkupi. Të dy ekipet shënuan nga një gol për çdo pjesë. Vendasit ishin afër fitores, por goli i Fatjon Jusufit në minutën e fundit shmangu humbjen e ekipit kryeqytetas, që renditet në vend të tretë me 17 pikë. /abcnews.al
Borec – Akademija Pandev 1-0
Makedonija GP – Shkëndija 0-0
Renova – Shkupi 2-2
(Zuka 6′, Mishkovski 76′ / Jurina 41′, Jusufi 90′)
Sileks – Struga Trim&Lum 1-0
(Ivanovski 64′)
