Studiuesit në Institutin e avancuar të Koresë së Shkencës dhe Teknologjisë në qytetin e Daejeon kanë shpikur një bojë elektronike tatuazhi të bërë nga metal i lëngshëm dhe nanotuba karboni që në thelb vepron si një bioelektrodë. Kur lidhet me një biosensor, si p.sh. një aparat elektrokardiogrami, ai mund të dërgojë të dhëna si rrahjet e zemrës, glukozën në gjak dhe laktatin e kaliumit.
Shkencëtarët shpresojnë se së shpejti sensorët nuk do të nevojiten. “Në të ardhmen ne shpresojmë të jemi në gjendje të bashkojmë një mikroçip në bojë në mënyrë që të mund të dërgojmë dhe marrim sinjale nga trupi në një pajisje të jashtme”, tha udhëheqësi i projektit Steve Park, profesor i inxhinierisë dhe shkencës së materialeve. Pajisjet e tilla mund të vendosen në shtëpitë e pacientëve, klinika ose në çdo vend tjetër.
Boja është jo invazive dhe është bërë nga grimcat e galiumit, një metal i butë që përdoret gjithashtu në gjysmëpërçues dhe termometra. Nanotubat e karbonit të veshur me platin veprojnë si përçues të elektricitetit, duke e bërë bojën më të qëndrueshme.
“Kur aplikohet në lëkurë, nuk shkëputet as me fërkim, gjë që metali i lëngshëm nuk mund ta bëjë”, tha Park./abcnews.al
