Një ekip shkencëtarësh pretendon se kanë zbuluar, për herë të parë në historinë njerëzore, materiale nga fundi i Oqeanit Paqësor që erdhën nga hapësira jashtë sistemit tonë diellor.
Që kur mësoi për rënien e një “meteori të çuditshëm” në planetin tonë, astrofizikani Avi Lebb ka qenë i vendosur të zbulojë nëse ishte një objekt “alien” që u përplas në oqeanin Paqësor. Tani profesori i Harvardit pretendon se ai dhe ekipi i tij janë një hap më afër përcaktimit të natyrës së këtyre globulave misterioze të mbledhura në brigjet e Papua Guinesë së Re.
Në një deklaratë për mediat sot, Leb thotë se analizat e para të këtyre mostrave, që besohet se janë fragmente të “meteorit” që ranë pranë brigjeve të vendit ishullor në vitin 2014, kanë një “origjinë ndëryjore”.
Gjetjet e para të shkencëtarëve nuk i përgjigjen ende pyetjes nëse këto objekte metalike janë të krijuara nga njeriu apo natyrore, por Lebb thotë se është i sigurt se ato nuk përputhen me asnjë aliazh të njohur në sistemin tonë diellor.
“Ky është një zbulim historik, sepse është hera e parë që njerëzit kanë rikuperuar materiale nga një objekt i madh që mbërriti në Tokë nga jashtë sistemit tonë diellor. Suksesi i misionit nxjerr në pah vlerën e marrjes së rreziqeve në kërkimin shkencor, edhe kundër gjasave, për sa kohë që ka një mundësi për të zbuluar njohuri të reja.”
Sipas USA Today, fishekët metalikë u gjetën në fundin e Oqeanit Paqësor gjatë një periudhe prej dy javësh.
Ekipi i shkencëtarëve dhe studiuesve të udhëhequr nga Lebb udhëtoi në bordin e Yllit të Argjendtë në bregun verior të Papua Guinesë së Re, me misionin e gjetjes së mbetjeve të meteoritit të pazakontë që hyri në atmosferën e Tokës në vitin 2014. Ekspedita u financua nga biznesmeni Charles Hoskinson, i cila shpenzoi 1.5 milionë dollarë për të rikuperuar grimcat.
Për rreth pesë vjet, askush nuk i kishte kushtuar vëmendje të dhënave për meteoritin IM1 të regjistruara nga sensorët e shërbimit amerikan, derisa Lebb dhe Amir Siraj, asokohe një student në Harvard, e zbuluan atë në 2019 dhe publikuan gjetjet e tyre. Megjithatë, u deshën tre vjet të tjera që Administrata Hapësinore e SHBA-së të njoftonte në vitin 2022 në një letër drejtuar NASA-s se objekti vinte nga një sistem tjetër diellor.
Njoftimi bëri që Lebb, bashkëthemeluesi i Projektit Galileo, një program kërkimor në Qendrën Harvard-Smithsonian për Astrofizikën kushtuar kërkimit të teknologjisë jashtëtokësore, të fillonte me misionin e tij. Shtatë muaj më vonë, ai dhe ekipi i tij ishin disa dhjetëra milje larg ishullit Manus duke “kërkuar” shtratin e detit me një strukturë të veçantë të mbuluar me magnet.
