Studiuesit kanë zbuluar në brigjet e Kosta Rikës një “maternitet oktapodi”, që ndryshe njihet si një ‘çerdhe detare’ për oktapodë ku qëndrojnë nënat, vezët dhe oktapodët e porsalindur, sipas Institutit Schimdt.
Zbulimi i kësaj zone të vezëve e çon numrin e ‘materniteteve’ të zbuluara të oktapodëve në tre, pasi ekipi hulumtues konfirmoi se një vend i zbuluar më parë ku grumbulloheshin oktapodët në thellësi të detit në Dorado Outcrop, është gjithashtu një ‘çerdhe’ aktive e maternitetit.
Scientists have discovered the third octopus nursery in the world off the coast of Costa Rica, in an area previously believed to be uninhabitable for new life pic.twitter.com/SniwiD5qPX
— CNN (@CNN) June 30, 2023
Ekspedita 19-ditore, e udhëhequr nga Dr. Beth Orcutt i Laboratorit të Shkencave të Oqeanit Bigelow dhe Dr. Jorge Cortes i Universitetit të Kosta Rikës, u zhvillua në bordin e anijes oqeanografike Falkor dhe përfshinte 18 shkencëtarë të tjerë nga e gjithë bota.
Përpara këtyre dy zbulimeve të reja, shkencëtarët dinin vetëm për një “maternitet oktapodësh” në brigjet e Kalifornisë.
Vihet re se Dorado Outcrop u zbulua në vitin 2013, duke i habitur shkencëtarët, pasi ishte vendi i parë ku oktapodët femra u gjetën të mblidheshin për të ruajtur vezët e tyre dhe për të rritur të vegjëlit e tyre. Në misionin e parë shkencëtarët nuk kishin gjetur “të porsalindur”, gjë që i çoi në përfundimin e parakohshëm dhe, siç doli, të pasaktë se kushtet në zonë mund të mos ishin të favorshme për rritjen e oktapodëve.
Misioni kërkimor përforcoi idenë se disa lloje molusqesh kërkojnë zona hidrotermale me temperaturë të ulët për të inkubuar vezët e tyre, duke hedhur poshtë besimin se kjo zonë e veçantë është e papërshtatshme për rritjen e oktapodëve. Përveç kësaj, shkencëtarët besojnë se ka të ngjarë të jetë një specie e re e oktapodit Muusoctopus, një gjini e oktapodit të vogël-mesatar pa një qese boje, pasi këtë herë ata regjistruan procesin e çeljes së vezëve.
Shkencëtarët kanë eksploruar pesë male detare në verilindje të Kosta Rikës, me biodiversitet të pasur dhe qindra krijesa, shumë prej të cilave ka të ngjarë të jenë specie të reja.
“Zbulimi i kësaj ‘çerdhje’ të re oktapodësh 2800 metra nën nivelin e detit në ujërat e Kosta Rikës dëshmon se ka ende shumë për të mësuar rreth oqeanit. Shtrati i detit i zonës është përtej imagjinatës njerëzore, me imazhe spektakolare nga ROV SuBastian që dokumentojnë peshq të ndryshëm, oktapodë që dalin dhe kopshte koralesh,” përshkruan Dr. Jyothika Virmani, drejtore e Institutit të Oqeanit Schmidt, duke shtuar se “ne presim të vazhdojmë kontribuoni në regjistrimin dhe studimin e mrekullive në oqeanet tona të pabesueshme.”
Malet detare të eksploruara, duke përfshirë Dorado Outcrop, nuk mbrohen nga aktivitetet njerëzore si peshkimi.
/abcnews.al
