Ngjarjet katastrofike në Tokë nuk ndodhin rastësisht por diktohen nga një “impuls” i aktivitetit gjeologjik që ndodh çdo 27.5 milion vjet, zbulon një studim i ri. Sipas analizës së kryer nga Universiteti i New York-ut, këto impulse mund të jenë rezultat i “cikleve” të veprimtarisë në brendësinë e Tokës, siç janë pllakat tektonike, por dhe ciklet e ngjashme në orbitën e planetit mund të luajnë një rol.
“Shumë gjeologë besojnë se ngjarjet gjeologjike janë të rastësishme me kalimin e kohës. Por studimi ynë siguron prova statistikore për një cikël të përbashkët, duke sugjeruar se këto ngjarje gjeologjike janë të ndërlidhura dhe jo të rastësishme.”, tha gjeologu Michael Rampino.
Studiuesit zbuluan se këto ngjarje gjeologjike globale janë përgjithësisht të grumbulluara në 10 pika të ndryshme kohore për 260 milion vjet, të grupuara në maja ose impulse me afërsisht 27.5 milion vjet larg njëra-tjetrës. /abcnews.al
