Numri i të vdekurve nga përmbytjet pas shkatërrimit të digës Kakhovka është rritur në 16 në Ukrainë, thanë zyrtarët e Kievit. Ndërsa rusët thanë se 29 persona kanë vdekur në territoret që kontrollon Moska.
Shkatërrimi i digës shkaktoi përmbytje në një sipërfaqe të madhe toke në Ukrainën Jugore dhe në pjesët e pushtuara nga Rusia, duke shkatërruar tokat bujqësore dhe ndërprerë furnizimet për civilët.
Më shumë se 3,600 njerëz janë evakuuar nga zonat e përmbytura në rajonet Kherson dhe Mykolaiv, ndërsa 31 persona janë ende të zhdukur dhe rreth 1,300 shtëpi kanë mbetur të përmbytura.
Ukraina akuzon Rusinë për hedhjen në erë të digës së epokës sovjetike, nën kontrollin rus që nga ditët e para të pushtimit të saj në 2022. /abcnews.al
