Napoli ndodhet në krizë dhe gjatë këtyre ditëve është folur shumë për mundësinë e shkarkimit të Carlo Ancelottit. Aurelio De Laurentiis ka folur rreth situatës së vështirë në ekip. Kreu i nënkampionëve të Italisë konfirmon trajnerin në fjalën e tij për Radio Kiss Kiss. Gattuso dhe Allegri janë përfolur si pasuesit e Ancelottit, por De Laurentiis i jep fund këtyre zërave.
“Besimi te trajneri nuk është lëkundur në asnjë moment. Ancelotti gëzon besimin tonë të plotë jo vetëm si trajner, por edhe si njeri. Skuadra duhet të vazhdojë punën me qetësi. Gattuso-Allegri? Nuk i kam telefonuar asnjëherë, madje as Spallettin.
Kam miqësi me Allegrin, të cilin e telefonova në vitin 2013 dhe i ofrova pankinën e Napolit, por ishte nën kontratë me Milanin. U tregua i gatshëm të vinte më pas, por i kisha dhënë fjalën Benitezit. Fjala e dhënë vlen më shumë se çdo kontratë për mua“, përfundon presidenti i ekipit italian. /abcnews.al
