Një 44-vjeçar është arrestuar nga policia e Shkodrës, pasi kishte shitur makinën e tij dhe më pas denoncoi në polici sikur ia kishin vjedhur. Si pasoj, Gjykata ka caktuar për burrijn masën e sigurisë “Arrest në burg”.
“Specialistët për Hetimin e Krimeve të Komisariatit të Policisë Shkodër ndaluan shtetasin në kërkim 44 vjeç, banues në fshatin Gomsiqe, Velipojë, pasi Gjykata e Shkallës së Parë e Juridiksionit të Përgjithshëm Shkodër i ka caktuar masën e sigurisë “Arrest në burg”, për veprat penale “Kallëzimi i rremë” dhe “Deklarimi i rremë përpara oficerit të policisë gjygjësore”, sepse ka kallëzuar se i kishin vjedhur automjetin, ndërkohë që e kishte shitur atë”, thuhet në njoftimin e policisë.
Ndërkohë, materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme./abcnews.al
