Shihni shpesh ëndrra të këqija? Mund të tregojnë rrezikun për t’u prekur nga kjo sëmundje

Për vite me radhë, shkencëtarët kanë besuar se një gjumë i mirë gjatë natës është çelësi për parandalimin e sëmundjeve vdekjeprurëse. Ata gjithashtu mendonin se ëndrrat ishin një shenjë e shëndetit të mirë të trurit. Por dy studime të reja kanë treguar të kundërtën.

Ekspertët e gjumit nga Kina dhe Suedia thonë se kohëzgjatja e gjumit te të moshuarit mund të jetë një tregues i rrezikut të demencës. Gjetjet, të publikuara në Journal of the American Geriatrics Society zbuluan se rreziku i demencës ishte 69 për qind më i lartë tek ata që flinin më shumë se tetë orë.

Kjo krahasohej me ata që flinin nga shtatë deri në tetë. Ky rrezik ishte gjithashtu dy herë më i lartë për ata që shkonin në shtrat para orës nëntë. Një studim tjetër ka zbuluar se njerëzit e moshës së mesme që përjetojnë ankthe të shpeshta kanë më shumë gjasa të diagnostikohen me demencë më vonë në jetë.

Studiuesit nga Universiteti i Birminghamit, zbuluan se ëndrrat e këqija mund të bëhen më të zakonshme disa vite apo edhe dekada përpara se të shfaqen problemet e trurit. Gjithashtu, ekspertët theksua se meshkujt janë më të rrezikuar se sa femrat, raporton gazeta britanike The Sun. /abcnews.al