Sulmuesi i Borussia Dortmund, Erling Braut Haaland, i ka të gjitha gjasat për tu bërë një nga lojtarët më të mirë në botë. Këtë fakt nuk e tregojnë vetëm paraqitjet e tij të shkëlqyera në fushë, por edhe statistikat. Duke marë parasysh ndeshjet deri në moshën 20-vjeçare më mirë se sa norvegjezi ka bërë vetëm braziliani Ronaldo, ndërsa Messi dhe Cristiano janë shumë mbrapa tij.
Kështu 21-vjeçari numëron 107 ndeshje deri para një viti, ku ka shënuar 62 gola dhe ka dhuruar 17 asiste. Ndërkohë “Fenomeni” ka luajtur 104 ndeshje dhe ka shënuar plot 98 gola dhe ka asistuar në 10 gola të tjera.
Kapiteni i Barcelonës, Lionel Messi, numëron 92 ndeshje deri në moshën 20-vjeçare, ku ka shënuar vetëm 32 gola dhe ka dhuruar 8 asiste. Ndërsa ylli i Juventusit ka luajtur në 123 ndeshje ku ka shënuar 20 gola dhe ka asistuar në 24 gola të tjerë. /abcnews.al
