Nga Ajgena Korbi
Çdo ditë mesatarisht vitin që lamë pas në Shqipëri janë regjistruar 17 aksidente rrugore duke shënuar një viktimë në rreth 48 orë.
Qendra Kombëtare e Urgjencës Mjekësore ka bërë bilancin dhe deklaron se 2020 u mbyll me 6248 aksidente ku humbën jetën 159 persona.
Shifrat shqetësuese vijnë në një kohë kur lëvizja e automjeteve për shkak të pandemisë së Covid 19 është ndeshur me kufizime të shpeshta.
Krahasuar me një vit para referuar shifrave të Institutit të Statistikave në 2020 u regjistruan 4750 aksidente më tepër dhe 68 viktima më pak.
Numri më i lartë i aksidenteve rrugore është regjistruar në Tiranë me 2631 të tillë.
Pas kryeqytetit renditet Vlora me 803 aksidente dhe Durrësi me 576.
Shkodra, Dibra dhe Kukësi renditen të fundit me përkatësisht 85, 52, 50 aksidente në të gjithë vitin.
Shpejtësia tej normave të lejuara dhe shkelja e rregullave të qarkullimit rrugor duket se janë arsyet më të shpeshta pasi dhe këshilla e Urgjencës Mjekësore vjen pikërisht për respektimin e tyre.
AKSIDENTET SIPAS QARQEVE
Tiranë: 2631 aksidente
Vlorë: 803 aksidente
Durrës: 576 aksidente
Elbasan: 458 aksidente
Fier: 442 aksidente
Korçë: 359 aksidente
Berat: 328 aksidente
Lezhë: 297 aksidente
Gjirokastër: 167 aksidente
Shkodër: 85 aksidente
Dibër: 52 aksidente
Kukës: 50 aksidente
