Shifra të jashtëzakonshme, Claudio Ranieri konfirmohet njeriu i derbeve

schedule08:52 - 15 Dhjetor, 2019

schedule 08:52 - 15 Dhjetor, 2019

Një gol i Manolo Gabbiadinit pesë minuta përpara fundit të ndeshjes i dhuroi fitoren në derbi Sampdorias. Ekipi i Claudio Ranierit mposhti rivalët e Genoas dhe i dhuroi një mbrëmje emocionuese tifozëve.

Derbi është gjithmonë ndeshja më speciale e sezonit dhe triumfi ndaj “armiqve” të së njëjtit qytet është një detyrim për të gjithë. Ranieri mbetet një mjeshtër në këtë lloj sfide dhe kundër Genoas e konfirmoi sërish aftësinë për të dominuar në luftën brenda qytetit.

Festa e lojtarëve të Sampdorias pas fitores në derbi

68-vjeçari ka një eksperiencë të madhe, teksa në vitin 2016 mahniti botën me një grup lojtarësh “anonimë” por fantastikë, dhe ia doli të fitonte Premier League me Leicester City. Rikthehemi te derbi. Italiani ka shifra fantastike dhe nuk ka humbur kurrë një të tillë në stol.

Ranieri numëron 9 fitore dhe një barazim (kundër Torinos kur ishte në stolin e Juventusit) në 10 derbi të zhvilluara, teksa ia ka dalë të debutojë me fitore në derbi me Interin, Juventusin, Romën dhe Sampdorian. /abcnews.al