Është marrë peng një 25-vjeçar në qytetin e Fierit. Bëhet fjalë për A.R., 25 vjeç, banues në Fier, të cilit i është hequr liria për të paktën dy orë dhe është dhunuar fizikisht.
Lidhur me këtë ngjarje të rëndë policia e Fierit ka arrestuar Erjon Agalliu., 42 vjeç dhe Arben Bleta., 54 vjeç dhe shpallën në kërkim shtetasin B. A., 40 vjeç, banues në Fier.
Mësohet se shkak i kësaj peng marrje ka ardhur pas një sherri për rregullimin e një lavatriçeje.
Njoftimi i policisë:
I hoqën për dy orë padrejtësisht lirinë për motive të dobëta 25- vjeçarit, kapen dhe vihen në pranga dy prej autorëve, shpallet në kërkim autori i tretë.
Specialistët për Hetimin e Krimeve në Komisariatin e Policisë Fier bënë ndalimin e shtetasve E. A., 42 vjeç dhe A. B., 54 vjeç dhe shpallën në kërkim shtetasin B. A., 40 vjeç, banues në Fier.
Këta shtetas, në bashkëpunim me njëri tjetrin, për motive të dobëta, kanë dhunuar fizikisht dhe i kanë hequr lirinë në mënyrë të paligjshme për rreth dy orë shtetasit A. R., 25 vjeç, banues në Fier.
Me marrjen e njoftimit, shërbimet e Komisariatit të Policisë Fier kanë bërë të mundur identifikimin, lokalizimin, kapjen dhe ndalimin e dy autorëve dhe po punojnë për kapjen e autorit të tretë.
Materialet i kaluan Prokurorisë pranë Gjykatës së Shkallës së Parë Fier për veprat penale “Heqja e paligjshme e lirisë” e kryer në bashkëpunim./abcnews.al/
