Në një intervistë në “ABC e Mëngjesit”, në ABC News, mjeku alternativ, Hysni Dankshi foli për të mirat e sherebelës, nga eliminimi i djersitjes deri tek shtimi i qumështit.
Siç nënvizoi ai, sherebela është një bimë e veçantë, dhe shpjegoi se përdoret dhe bën mirë të përdoret edhe kur dikush është me grip, me kollë apo ethe.
Gjatë intervistës, në studion e “ABC e Mëngjesit”, ai nënvizoi se sherebela është një bimë e mrekullueshme dhe se ka veti kuruese.
“Sherebela është një bimë e mrekullueshme, ajo edhe kultivohet, por edhe rritet në mal. Bota lakmohet nga sherebela në Shqipëri…Në zonën e Klosit, tek Ura e Vashës, është plot me sherebelë. Sherebela e egër është e përkryer…Edhe si bimë aromatike, por edhe si bimë konsumuese. Përdoret edhe kur je me grip, me ethe, kollë e kështu me radhë. Ndikon për mirë edhe tek njerëzit që djersitin”, shpjegoi mjeku alternativ.
/abcnews.al/
