Loading ...
Presidentja e Meksikës, Claudia Sheinbaum, të martën hodhi poshtë mundësinë e një ndërhyrjeje ushtarake të Shteteve të Bashkuara në territorin meksikan, pas deklaratave të presidentit amerikan Donald Trump, i cili një ditë më parë shprehu mbështetje për veprime agresive kundër karteleve të drogës në Meksikë dhe Kolumbi.
“Nuk do të ndodhë,” tha Sheinbaum gjatë konferencës së saj të përditshme për shtyp, duke theksuar se Meksika nuk pranon trupa të huaja në territorin e saj dhe se sovraniteti kombëtar është i panegociueshëm.
Deklaratat e Trump kanë shkaktuar reagime të menjëhershme në Meksikë, ku autoritetet këmbëngulin se lufta kundër krimit të organizuar duhet të zhvillohet në kuadër të bashkëpunimit, por gjithmonë duke respektuar pavarësinë e vendit. / abcnews.al /
