Shqipëria tashmë është e lirë ndaj çdo masë kundër Covid. Për të hyrë në vend nuk kërkohet më as certifikatë vaksinimi e as test negativ ashtu sikurse maskat nuk janë detyrim në mjedise të mbyllura.
Megjithëkëtë Najada Çomo, shefja e shërbimit Infektiv në Qendrën Spitalore “Nënë Tereza” në Tiranë, spitalit që mbajti peshën kryesore në trajtimin e të infektuarve me koronavirus, thotë se pandemia nuk ka përfunduar.
Prindërit janë më hezituesit për të vaksinuar fëmijët ndaj koronavirusit, por mjekët thonë se dozat anti Covid janë të sigurta dhe mbrojnë dhe ndaj mutacioneve.
Rreth gjysma e popullsisë mbi 16 vjeç në vend është vaksinuar kundër Covid ndërkohë gjatë pandemisë sipas autoriteteve shëndetësore u infektuan me Sars Cov 2 më shumë se 275 mijë persona 3496 prej të cilëve humbën jetën.
/abcnews.al
