Ushtarët e Koresë së Veriut i janë bashkuar në mënyrë aktive luftimeve përkrah forcave ruse, sipas Departamentit Amerikan të Shtetit.
“Mbi 10,000 ushtarë të Koresë së Veriut janë dërguar në Rusinë lindore dhe shumica e tyre janë zhvendosur në rajonin e largët perëndimor të Kurskut, ku kanë filluar të angazhohen në operacione luftarake me forcat ruse”, u tha gazetarëve zëdhënësi i Departamentit të Shtetit, Vedant Patel.
Është hera e parë që SHBA ka thënë se trupat e Koresë së Veriut janë të angazhuar në mënyrë aktive në luftimet kundër Ukrainës.
Raportet sugjerojnë se Vladimir Putin po përpiqet të rimarrë rajonin e Kurskut nga Ukraina përpara inaugurimit të Donald Trump në janar – duke e hequr atë në mënyrë efektive nga çdo tryezë e mundshme negociuese.
Trupat ukrainase filluan një pushtim të zonës në fillim të këtij viti dhe kanë mbajtur me sukses pjesë të territorit rus.
