Merr formë plotësisht kalendari i dy javëve të para të sezonit të ri në Serie A. 21 gushti rikthen në fushë skuadrat italiane. Në stadiume do të rikthehen tifozët, ndërsa gara për titullin kampion pritet të jetë më e fortë dhe emocionuese se sezonin e fundit.
Kampionët e Interit zbresin të parët në fushë. Skuadra e Simone Inzaghit luan në “San Siro” ndaj Genoas të shtunën e 21 gushtit (18:30), sfidë ku do kërkohet maksimumi dhe nisja e kampionatit me tre pikë.
#SerieATIM 2021/2022: anticipi e posticipi della 1ª e della 2ª giornata ➡️ https://t.co/sUEPF5Xed1#WeAreCalcio pic.twitter.com/Z1PBKwuCAY
— Lega Serie A (@SerieA) July 19, 2021
Në të njëjtin orar zhvillohet edhe takimi Verona-Sassuolo. Në mbrëmje dy sfida të tjera: Torino-Atalanta (20:45) dhe Empoli-Lazio, në të njëjtin orar.
Në të njëjtat orare do të luhet edhe ditën e nesërme. Juventusi përballet në Friuli kundër Udineses vendase (18:00), ndërsa Milani zbret në fushë të hënën e 23 gushtit në transfertë me Sampdorian (20:45).
Edhe java e dytë do të luhet në tre data: 27 (2 ndeshje), 28 (5 ndeshje) dhe 29 gusht (3 ndeshje). Orarët nuk ndryshojnë, duke llogaritur temperaturat e nxehta. /abcnews.al
