Policia spanjolle sekuestroi në postë edhe tre zarfe të dyshimta drejtuar diplomatëve ukrainas. Kështu, numri i përgjithshëm i kërcënimeve ndaj misioneve diplomatike të Ukrainës jashtë vendit arriti në 21.
“Policia spanjolle sekuestroi në zyrën postare tre zarfe me sy kafshësh, të cilat besohet se ishin të adresuara në Ambasadën e Ukrainës në Madrid, Konsullatës së Përgjithshme në Barcelonë dhe Konsullatës në Malaga. Hetimi ka nisur. Në total ne kemi tashmë 21 raste të kërcënimeve ndaj ambasadave dhe konsullatave të Ukrainës në 12 vende”, ka postuar në Facebook zëdhënësi i Ministrisë së Punëve të Jashtme të Ukrainës, Oleg Nikolenko.
Në Spanjë, më 2 dhjetor, pako me gjak me sy kafshësh mbërritën në ambasadat në Hungari, Holandë, Poloni, Kroaci, Itali, konsullatat e përgjithshme në Napoli dhe Krakovë dhe konsullata në Brno. /abcnews.al
