Nuk mund të kishte mbyllje më të bukur për këtë vit.
“Zikaltërit” e Inter kanë arritur një fitore të madhe në javën e 18-të të Serie A, me djemtë e teknikut Simone Inzaghi që arritën të shënonin 3 herë në portën e “ishullorëve” të Cagliari, në “Unipol Domus” për të mbyllur më së miri 2024-ën.
Të tre golat e sfidës erdhën në pjesën e dytë teksa ishte fillimisht qendërmbrojtësit Alessandro Bastoni në minutën e 53’-të, që zhbllokoi shifrat e më pas Lautaro Martinez e Hakan Calhanoglu vulosën fitoren e thellë të kampionëve në fuqi, në minutat 71’ e 78’.
Falë këtij rezultati, Inter ngjitet momentalisht në vendin e parë të tabelës me 40 pikë, po aq sa Atalanta e cila do të luajë në mbrëmje ndaj Lazio, si dhe 2 pikë më shumë se Napoli i vendit të 3-të, që do të përballet të dielën me skuadrën e Venezia, ndërsa skuadra e Cagliari mbetet në vendin e 18-të me 14 pikë. /i.m /abcnews.al
