Humbën në mesjavë ndaj një qiprotëve të APOEL, mirëpo duket se nuk ka ndikuar te asnjëri prej lojtarëve e në veçanti “bomberit” Moise Kean.
“Violët” e Fiorentina kanë arritur një fitore të madhe në kampionat, këtë të dielë, teksa në stadiumin “Artemio Franchi” kanë mundur me rezultatin e thellë, 3-1, skuadrën e Verona, ku padyshim protagonisti absolut ishte italiani Kean, i cili realizoi të tre golat e fitores së vendasve, në sfidën e javës së 12-të të Serie A.
Në krahun tjetër, “Verdhekuqtë” e Roma kanë dështuar të marrin sërish një rezultat pozitiv në kampionat, teksa këtë herë janë mundur nga “Kuqeblutë” e Bologna, brenda në “Olimpico”, me shifrat 3-2.
Për “Emiljanët” golat erdhën nga Santiago Castro, Riçardo Orsolini e Jesper Karlsson në minutat 25’, 66’ e 77’, ndërsa për djemtë e teknikut Ivan Juric dopieta e “ylli” italian, Stephan El Shaaraëy ishte e pamjaftueshme për të bërë diferencën në humbjen e dytë radhazi në elitën e futbollit në “Apenine”.
Sa i përket renditjes, Fiorentina ngjitet mes kryesuesve me 25 pikë, po aq sa Napoli e Atalanta dhe 1 më shumë se Inter. Pas tyre vjen Bologna me 18 pikë, ndërsa Roma e Verona mbeten në vendet 12 e 14, me nga 13 dhe 12 pikë. /i.m /abcnews.al
