Presidenti i Serbisë, Aleksandër Vuçiç, është përfshirë diskutimin e hipotezave lidhur me helmimin e mbi 1500 qytetarëve të Deçan.
Vuçiç ka thënë se kanë analizuar praninë e dy serbëve rreth burimit të ujit në Deçan, ndërsa është pretenduar se mund të kenë lidhje me helmimin.
“Ne kemi një analizë të lëvizjes së automjetit me targa të Novi Sadit, ata nuk ishin as 500 metra nga burimi i ujit. Ne po presim të shohim se çfarë do të thonë. Ne po presim, po dëgjojmë”, tha Vuçiç, duke u përgjigjur pyetjet e gazetarëve në Beograd.
Mbi 1.500 banorë të fshatrave të Deçanit kanë kërkuar ndihmë mjekësore, pasi shfaqur simptoma të helmimit.
Uji ishte dyshimi i parë për helmimin e tyre, por analizat fillestare të Institutit Kombëtar të Shëndetësisë Publike të Kosovës (IKSHPK) nxorën se uji nuk është burimi i helmimit.
Ministri i Shëndetësisë, Arben Vitia tha dje se disa mostra të ujit do të dërgohen jashtë vendit për analiza më të thella.
