Gentian Selmani mund të bëjë një hap gjigant në karrierë. Portieri kuqezi kërkohet me ngulm nga Fenerbahce dhe sot, ka pasur zhvillime të reja sa i takon këtij transferimi të mundshëm.
Trajneri i Menemespor, ekipi ku aktivizohet aktualisht ish-portieri i Laçit, ka pranuar se ka interes të vazhdueshëm të Fenerbahce për shërbimet e Selmanit. Në fjalën e tij, tekniku Cenk Laleci u shpreh: “Selmani mund të transferohet te Fenerbahce, ka interesim të vazhdueshëm për të.
Unë mendoj se Selmani do të kontribuojë shumë te Fenerbahce në rast se transferimi konkretizohet”, u shpreh trajneri i Menemespor./abcnews.al
