Tre persona janë arrestuar nga karabinierët e njësisë hetimore të Firences për trafik droge.
Personat e arrestuar janë një 67-vjeçar nga Impruneta dhe një çift me banim në Torino, një shtetas italian, 28 vjeç dhe partnerja e tij një shqiptare 26-vjeçare.
Të arrestuarve ju gjet 7 kg kokainë e fshehur poshtë sediljes së shoferit. Makina u sekuestrua në cilësinë e provës materiale.
Hetimet filluan pas raportimeve të marra nga qytetarët për lëvizje të dyshimta në një rrugë në Impruneta. Pas hetimeve të thelluara karabinierët arritën që të binin në gjurmët e tre personave.
Hetimet e mëvonshme bënë të mundur gjetjen e gati 1000 eurove cash në kartëmonedha me vlerë të vogël, të cilësuara si të ardhura të aktivitetit të paligjshëm, telefona celularë dhe ora luksoze; të gjitha të vendosura në sekuestro. Tre të arrestuarit u dërguan në burgun Sollicciano në Firence.
Në përfundim të seancës së gjykimit, gjyqtari ka vendosur masën e sigurisë arrest me burg për 67-vjeçarin, arrest shtëpie për 28-vjeçarin dhe lirimin për shqiptaren./abcnews.al/
