Padyshim që makaronat janë një nga ushqimet më të zakonshme dhe të preferuara në mbarë botën.
Ajo për të cilën shumë nuk pajtohen është nëse ato duhet të vendosen direkt në ujë të vluar ose mund të ftohen.
Trajnerët e kuzhinierëve në Qendrën Ndërkombëtare të Gastronomisë (ICC) në Nju Jork ranë dakord se është e mundur të gatuhen makarona me ujë të ftohtë. “Për dikë që bën makarona në shtëpi, do të ishte një metodë e mirë. Megjithatë, në një kuzhinë restoranti, gatimi i makaronave në ujë të ftohtë do të merrte më shumë kohë dhe më shumë vëmendje”, theksojnë shefat e kuzhinës.
Shumë kuzhinierë besojnë se makaronat e freskëta, veçanërisht kur zihen në ujë të valë, e ruajnë shijen e tyre më mirë sesa në ujë të ftohtë. Në përgjithësi, ata arrijnë në përfundimin se përdorimi i ujit të ftohtë është vetëm për makaronat e thata dhe jo për makaronat e freskëta./abcnews.al
