Të gjithë ne pimë çaj menteje kur sëmuremi apo ftohemi, por a e dini se mund ta përdorni për shëndetin e flokëve? Nenexhiku njihet prej kohësh si një ilaç shumë i dobishëm për shëndetin e përgjithshëm dhe gjyshet tona e përdornin për të shpëlarë flokët e tyre.
Ka disa arsye pse duhet të lani flokët me çaj nenexhiku të paktën disa herë në muaj.
Redukton zbokthin
Çaji ka një efekt të fortë anti-inflamator, ai vepron duke qetësuar lëkurën e kokës dhe duke parandaluar irritimin dhe inflamacionin. Sipas shkencëtarëve, kjo është e dobishme jo vetëm për parandalimin e zbokthit, por edhe për zbutjen e simptomave të psoriasis.
Gjithashtu, përbërësit antiseptikë në çaj heqin qelizat e vdekura të lëkurës dhe papastërtitë që mund të bllokojnë folikulat e flokëve, duke parandaluar bllokimin e tyre dhe duke lejuar që flokët të rriten përsëri, shkruan abcnews.al.
Parandalon lyerjen e shpejtë të flokëve
Përbërësit që gjenden në çaj mund të balancojnë nivelet e pH të kokës, duke normalizuar prodhimin e vajit. Kjo është e dobishme për njerëzit me flokë të yndyrshëm, si dhe për ata me flokë pak më të thatë: për kategorinë e parë, çaji vepron si astringent, rregullon prodhimin e çajit dhe parandalon grumbullimin e sebumit të tepërt në lëkurën e kokës, ndërsa për kategorinë e dytë, çaji vepron duke ushqyer dhe hidratuar flokët, neutralizon tharjen dhe parandalon zbokthin.
Si të përdorni çajin e mentes?
Përdorni 2 deri në 4 bustina çaj menteje, ose 2 lugë gjelle me gjethe të thata menteje. Zieni dy gota me ujë dhe më pas hidhini sipër nenexhikut. Lëreni të qëndrojë për rreth gjysmë ore. Lani flokët me shampo, shpëlajini dhe më pas aplikoni çajin në flokët tuaj. /abcnews.al
