Luis Nani ka luajtur me Cristiano Ronaldon te Manchester United dhe te kombëtarja e Portugalisë. 33-vjeçari, i cili aktivizohet aktualisht te Orlando City në MLS amerikane, zbulon sekretin e vazhdimësisë dhe formës fantastike të yllit të Juventusit.
CR7 e ka nisur në mënyrë fantastike vitin 2020 dhe shënon prej 11-të ndeshjesh radhazi në Serie A. Nani tregon për CNN se e gjitha kjo vjen nga mentaliteti i fortë dhe puna e madhe që sulmuesi i njohur bën çdo ditë.
“Sekreti i Cristiano Ronaldos ka të bëjë me mentalitetin e tij dhe stërvitjen e përditshme. Për të qenë gjithmonë në formë të mirë, duhet të jesh i përgatitur fizikisht dhe mendërisht. Kjo është arsyeja pse ka shënuar kaq shumë gola, kjo e ka bërë më të mirin në botë“, deklaron Nani. /abcnews.al
