Sipas Qendrave për Kontrollin dhe Parandalimin e Sëmundjeve, larja e duarve është gjëja e parë dhe më e rëndësishmja që mund të bëni për të shmangur ftohje dhe viruset.
1.Larja e duarve
Sipas Qendrave për Kontrollin dhe Parandalimin e Sëmundjeve, larja e duarve është gjëja e parë dhe më e rëndësishmja që mund të bëni për të shmangur ftohjet e shumta që hasim në vit (për të mos përmendur bakteret, si E. coli dhe salmonela, që shkaktojnë sëmundje që vijnë nga ushqimi).
Lani duart me sapun dhe ujë të ngrohtë për të paktën 20 sekonda. Pastroni të gjitha pjesët e duarve tuaja, jo vetëm pëllëmbët, dhe sigurohuni që të mos keni papastërti në thonj. Thani duart tuaja me peshqir letre ose vendosni nga një peshqir për secilin anëtar të familjes.
2.Vitamina C dhe zinku
Megjithëse ka polemikë nëse vitamina C dhe zinku ndihmojnë në mbrojtjen ndaj të ftohtit të zakonshëm, disa studime tregojnë se vitamina C është e dobishme – veçanërisht për njerëzit që janë nën stres të lartë – dhe se zinku mund të parandalojë përhapjen e virusit. Ekspertët thonë se nuk do t’ju dëmtojë nëse e provoni.
Dr. Neil Schachter nga Mt. Sinai ”në Nju Jork sugjeron që pas shenjës së parë të ftohjes, ju duhet të merrni 500 mg vitaminë C gjatë gjithë dimrit. Instituti i Mjekësisë këshillon që të mos kaloni mbi dy mijë miligram në ditë për të shmangur problemet me stomakun ose veshkat.
Sa i përket zinkut, dr. Schachter sugjeron të merrni tableta të zinkut disa herë në ditë kur fillon ftohja.
3.Qepë
Qepët janë të pasura me antioksidues që forcojnë imunitetin dhe luftojnë inflamacionin, thotë Dr. Karmia Borek, MD, PhD dhe profesor në Departamentin e Shëndetit Publik dhe Mjekësisë Familjare në Boston- SHBA. Kjo do të thotë që përveç forcimit të mbrojtjes kundër sëmundjeve të përditshme, me siguri ndihmon edhe në forcimin e shëndetit të zemrës.
Nëse ju shqetëson aroma e qepës, doktor Borek thotë se ekstrakti i qepës është një alternativë e shkëlqyeshme, pa erë dhe madje ka një përqendrim më të lartë të komponimeve të fuqishme që bëjnë qepën si një super-ushqim.
4.Xhenxhefil
Xhenxhefili, ndihmon kundër shumë sëmundjeve të stomakut, dhe besohet se stimulon gjithashtu lëngjet e stomakut, përmirëson shëndetin e zorrëve dhe tretjen.
Është më mirë që të bluani xhenxhefilin dhe ta hani ose ta vendosni në çaj, thotë Dr. Sarah Graves nga Spitali Presbyterian në Nju Jork. Mund të jetë gjithashtu i dobishëm në forma të tjera – të thata, pluhur ose të gatuar.
5.Dush i ftohtë
Ata që bëjnë dush me ujë të ftohtë pohojnë se kjo i ndihmon kur kanë mungesë energjie, migrene, qarkullim të dobët dhe madje edhe dhimbje.
Edhe pse një dush i ftohtë 10-minutësh mund të jetë i tolerueshëm gjatë verës, provoni një dush me ujë të ftohtë një minutë në dimër.
Nëse keni probleme kardiovaskulare, këshillohuni me mjekun, pasi ndryshimet e papritura të temperaturës mund të shkaktojnë ngritje të presionit të gjakut.
6.Masazhi
Shumica e studimeve tregojnë se masazhet mund të zvogëlojnë ankthin, presionin e gjakut dhe të ngadalësojnë rrahjet e zemrës, kështu që shumica ndihmojnë në lehtësimin e stresit, i cili është një nga gjërat kryesore për ndërtimin e imunitetit.
7.Bëni stërvitje
Stërvitja rregullisht forcon sistemin imunitar dhe ju rrezikun më pak nga infeksionet e rrugëve të frymëmarrjes.
8.Flini mjaftueshëm
Ekspertët e gjumit bien dakord se fjetja mjaftueshëm është çelësi për një sistem imunitar të fortë. Një studim ka treguar se njerëzit që flenë vetëm 5-6 orë gjatë natës kanë 30% më shumë gjasa t’i zërë gripi kur ekspozohen ndaj një virusi, krahasuar me njerëzit që flenë më shumë se 7 orë.
8.Qëndroni të lumtur
Një prej mënyrave më të mira për të qëndruar të lumtur është duke qenë me njerëz tjerë. Pavarësisht se a janë miqtë apo familjarët, ju duhet të shoqëroheni me njerëz.
Lirojeni stresin duke shpenzuar kohë me miqtë dhe duke qeshur me njerëz.
Një përqafim i thjeshtë nga personi që e dashuroni mund t’jua largojë rëndimin në gjoks i cili faktikisht mund t’jua dobësojë sistemin e imunitetit.
Shëndeti është pasuri./abcnews.al
