Scholz: Ndryshimi i regjimit në Moskë nuk është qëllim i NATO-s

Ndryshimi i regjimit në Rusi nuk është “qëllimi i NATO-s, as i presidentit amerikan”. Kështu ka thënë kancelari gjerman, Olaf Scholz, në kanalin televiziv Ard.

“Kam pasur mundësinë të flas me të gjatë në Shtëpinë e Bardhë dhe kemi diskutuar gjithashtu këto çështje”, shtoi ai.

Joe Biden tha në Varshavë të shtunën se homologu i tij rus Vladimir Putin “nuk duhet të qëndrojë në pushtet”. Shtëpia e Bardhë siguroi menjëherë se zoti Biden nuk kishte bërë thirrje për “ndryshim regjimi”. /abcnews.al