Goli i Paulo Dybala mposhti Altetico Madrid në mesjavë dhe i dhuroi vendin e parë Juventusit. Bardhezinjtë zbresin sërish në fushë nesër dhe do të presin Sassuolon në Torino. Objektivi është fitorja për të vijuar kryesimin, teksa Sarri analizoi situatën në konferencën për shtyp.
EKIPI – “Alex Sandro ka kryer gjithë seancën stërvitore ditën e djeshme, ndihet mirë dhe është i gatshëm për ndeshjen. Edhe Bernardeschi është mirë. Ai është i dobishëm për ekipin, ka një potencial të madh teknik. Ky është shkaku pse pres shumë nga ky lojtar”.
CR7 – “Cristiano është një burim i jashtëzakonshëm për ne. Në ndeshjet e fundit ka bërë mirë në aspektin e rezistencës, tani i duhet të rikthehet të jetë brilant. Alternimet në sulm janë normale, kamë në dispozicion tre sulmues me potencial të madh”.
KUNDËRSHTARI – “Ndaj Sassuolos na pret një ndeshje e rrezikshme. Kemi shpenzuar shumë energji kundër Atalantës dhe Atletico Madrid. Sassuolo është një ekip që godet shumë herë portën dhe arrin të dërgojë shumë topa në zonën kundërshtare. Meriton më shumë pikë sesa ka. Vlerësoj shumë edhe trajnerin e tyre, Roberto De Zerbi. E kam shprehur edhe kur isha në Angli që do të bëhet një trajner i madh”. /abcnews.al
