Një palë sandale të veshura nga Steve Jobs dolën në ankand të premten dhe u shitën për 218.750 dollarë sipas shtëpisë së ankandeve, Julien’s Auctions.
Sandalet Birkenstock ishin veshur me sa duket nga Jobs në vitet 1970 dhe 1980 dhe u shpëtuan nga grumbulli i plehrave nga Mark Sheff, një kuzhinier që menaxhonte një nga pronat e Jobs në Albany, Kaliforni në vitet 1980.
“Steve po kërkonte ndihmë të drejtpërdrejtë. Ne kishim kopshtarinë organike dhe përvojën e gatimit të ushqimeve natyrale, “tha Sheff për mënyrën se si përfunduan sandalet te ai.
Sandalet kanë qenë pjesë e ekspozitave të shumta, duke përfshirë Salone del Mobile në Milano, Itali në 2017, në selinë e Birkenstock në Rahms, Gjermani në 2017, në dyqanin e parë të Birkenstock në Shtetet e Bashkuara në SoHo, Nju Jork, në IMM. Koln, një panair mobiljesh në Këln, Gjermani, Zeit Event Berlin për revistën Die Zeit në 2018, dhe së fundmi me Muzeun Historik Wurttemberg në Shtutgart, Gjermani./abcnews.al
