Sot do të zhvillohet në Beograd “Samiti i Ballkanit të Hapur”, ku do të finalizohet marrëveshja për tregtinë pa kufizime të ushqimeve mes vendeve të nismës së Ballkanit të Hapur.
Sakaq mësohet se krahas organizatorëve do të marrin pjesë edhe zyrtarë nga Hungaria dhe Turqia.
Në orën 13:00 pritet konferenca për shtyp e liderëve të Ballkanit të Hapur. Që prej ditës së djeshme, Rama ndodhet në Beograd, ku u hap Panairi i Verës që është titulluar “Vizioni i Verës” që është organizuar nga Shqipëria, Serbia dhe Maqedonia e Veriut në kuadër të nismës së Ballkanit të Hapur.
Lexo edhe: Samiti i “Ballkanit të hapur” sot në Beograd, marrëveshje për tregtinë pa kufizime të ushqimeve
250 prodhues nga e gjitha bota marrin pjesë në Panairin 4-ditor, ndërkohë që 22 janë nga Shqipëria.
AGJENDA
09.50 – Mbërritja e Kryeministrit në samit
Kryeministri mirëpritet nga Presidenti dhe Kryeministri i Republikës së Serbisë
09.55 – Foto familjare e liderëve
10.00 – Hapja e samitit “Open Balkan”
11.00 – Takim me përfaqësues të grupit të investimeve të Open Balkan
12.00 – Takim me përfaqësues të grupit të krizave ushqimore dhe energjetike të Open Balkan
13.00 – Ceremonia e firmosjes së marrëveshjeve
13.05 – Konferencë për shtyp e liderëve.
/Abcneës.al/
