Salihi: Ju tregoj sekretin e golit me Norvegjinë, titullin e fiton Tirana

22:58 | 24/03/202022:580

Hamdi Salihi është një nga sulmuesit më të mirë shqiptarë të dy dekadave të fundit. Shkodrani ka nisur karrierën e trajnerit dhe momentalisht është pjesë e stafit të Edi Reja te kombëtarja kuqezi. 36-vjeçari flet në “Fan Zone” në Supersport rreth gjendjes së krijuar, bisedave me Rejën dhe eurogolit me Norvegjinë.

SITUATA – “Ishte koha e bukur dhe njerëzit nuk e morën seriozisht, duke dalë jashtë. Koronavirusi po përhapet me shpejtësi dhe njerëzit tani e kanë kuptuar, duke u futur në shtëpi. Kalifornia? Ne jemi përshtatur në vende më të këqija, jo më këtu. Komunikoj gjithë kohën me familjen. Për fat të mirë, nënën e kam këtu pasi kishte ardhur për një vizitë. Të afërmit janë larguar nga Shkodra dhe po qëndrojnë në Velipojë, për të qenë më të sigurt”.

REJA – “Një herë më kishte marrë malli dhe e lëshova veten, por më pas ndryshova, duke nisur stërvitjen dhe duke luajtur tenis. Nëse nuk do të kishte ardhur koronavirusi, do të isha i gatshëm për t’u rikthyer të luaja (qesh). Jam në kontakt me Edi Rejën, po flisnim për ndeshjet miqësore, listën dhe gjithçka tjetër. Tani flasim vetëm për gjendjen ku ndodhemi”.

SUPERGOLI – “Ka qenë një gol që më ka gëzuar shumë, pasi e kishim përgatitur skemën gjatë gjithë javës në stërvitje. Të gjithë i kishin sytë tek unë dhe prisnin golin. Ai është një nga golat e mi të preferuar. Kisha frikë, pasi e kisha dërguar shumë herë topin jashtë. Kampion në Superiore? Më vjen keq për Orges Shehin, e kam shok, por Tirana është në rrugën e duhur”. /abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono