Loading ...
Sekretari organizativ i PS-së Arben Pëllumbi gjatë mbledhjes online të asamblesë socialiste dha disa informacione të detajuara mbi anëtarësinë e partisë, nga shpërndarja, te arsimi, ndërsa nuk la pa evidentuar edhe punën e patronazhistëve.
“Aktualisht Partia Socialiste numëron mbi 112917 anëtarë në radhët e saj, 4940 janë në degët Itali dhe Greqi. Në efektivin e partisë 30 mijë e 50 janë shoqe të cilat përbëjnë 27.8% të anëtarësisë. Niveli arsimor i anëtarësisë së partisë ka ardhur në rritje nga viti në vit.
PS ka 34.8% të anëtarësisë me arsim të lartë, nga 31% që kishte në fund të vitit 2019. Qarku i Tiranës ka përqindjen me të lartë me 50%. Me arsim të mesëm janë 43.6% e anëtarësisë, nga 47% që zinin një vit më parë. Kemi 78.4% të anëtarësisë me arsim të lartë dhe të mesëm.
Anëtarësia së bashku me përkrahësit me më ndikim në komunitete u ngarkuan me detyrën e patronazhistit, të cilët përbënin bazën e piramidës së strukturës elektorale të partisë. Patronazhistët përballuan një super ngarkesë elektorale, që ishte një nga faktorët e rëndësishëm të fitores tonë” tha ai./ Abcnews.al
