Dashuria mund të jetë emocionuese por nuk është e lehtë. Një sondazh i 2000 njerëzve nga Siemens Festival Nights zbuloi se një person mesatar bie në dashuri vetëm dy herë në jetën e tij. Dhe ndërsa dashuria mund të jetë diçka që shumica e njerëzve duan të përjetojnë, ajo nuk ndodh aq shpesh.
Sipas psikologëve, të biesh në dashuri kërkon plotësimin e të paktën 10 kushteve të ndryshme, duke përfshirë ngjashmërinë mes partnerëve, reciprocitetin dhe gatishmërinë për një lidhje. Një faktor tjetër është gjithashtu edhe koha. Por sa kohë duhet vërtet për të rënë në dashuri?
Nuk ka asnjë kornizë kohore “normale” për të rënë në dashuri, shkruan Healthline. Të biesh në dashuri mund të interpretohet ndryshe nga njerëz të ndryshëm. Megjithatë, hulumtimi ka zbuluar se sa kohë i duhet dikujt që të ndiejë tërheqje romantike, si dhe sa kohë duhet që ata të pranojnë ndjenjat e tyre.
BBC Science raporton se duhen vetëm 90 sekonda për të vendosur nëse dikush është tërheqës, bazuar kryesisht në gjuhën e trupit. Një studim i vitit 2010 i publikuar në Evolutionary Psychology theksoi dallimet gjinore, me meshkujt që kishin më shumë gjasa që të dashurohen shpejt.
Megjithatë, studimi sugjeroi se kjo mund të jetë për shkak të përkufizimeve të ndryshme të dashurisë midis burrave dhe grave. Në mënyrë të ngjashme, burrat mund të rrëfejnë dashurinë më shpejt në krahasim me gratë. /abcnews.al
