Separatistët armenë të Nagorno-Karabakut, të cilët dorëzuan armët pas operacionit të forcave azere në enklavë, dorëzuan gjashtë automjete të blinduara dhe më shumë se 800 armë të vogla dhe municione, thanë sot paqeruajtësit rusë.
“Bazuar në marrëveshjet e armëpushimit, njësitë e armatosura të Karabakut filluan të dorëzojnë armët dhe pajisjet e tyre ushtarake nën kontrollin e paqeruajtësve rusë. Më 22 shtator, u dorëzuan gjashtë automjete të blinduara, më shumë se 800 armë të lehta, antitank dhe rreth 5000 fishekë municionesh”, thuhet në një deklaratë të Ministrisë së Mbrojtjes Ruse.
Moska raportoi gjithashtu dy shkelje të armëpushimit gjatë ditës së enjte.
Ushtarët rusë dërguan 50 tonë ndihma humanitare për popullin e Nagorno-Karabakh dhe organizuan pritjen e më shumë se 800 personave të zhvendosur, gjysma e të cilëve janë fëmijë.
Separatistët njoftuan se po negociojnë me Azerbajxhanin për të tërhequr trupat e tyre nga rajoni. Bisedimet mbi “riintegrimin” e Nagorno-Karabakh në Azerbajxhan filluan të enjten.
