“Rusia mbetet furnizuesi më i besueshëm i gazit pavarësisht presionit të sanksioneve të vendeve perëndimore dhe shpërthimeve në tubacionet e gazit Nord Stream dhe Nord Stream-2”.
Kështu u shpreh zëdhënësja e Ministrisë së Jashtme ruse, Maria Zakharova, shkruan Tass.
“Pavarësisht presionit të sanksioneve të Perëndimit dhe shpërthimeve të gazsjellësit Rusia mbetet ende furnizuesi më i besueshëm i gazit dhe ajo përmbush plotësisht detyrimet e saj kontraktuale,” tha ajo.
Vendet perëndimore nuk po kryejnë një hetim të duhur për shpërthimet e Nord Stream, theksoi Zakharova, duke shtuar se ishte Perëndimi që kufizoi furnizimet e hidrokarbureve nga Rusia, ndërsa Moska akuzohet për pezullimin e furnizimeve me gaz./abcnews.al
