Rusia akuza ndaj Uashingtonit: Po mbështet revolucionin në Bjellorusi

schedule22:54 - 16 Shtator, 2020

schedule 22:54 - 16 Shtator, 2020

Rusia ka akuzuar të mërkurën Uashingtonin se po përpiqet që të nxisë një revolucion në Bjellorusi.

Sergei Naryshkin, kreu i Shërbimit të Inteligjencës së Jashtme SVR të Rusisë, akuzoi Uashingtonin se po punonte në prapaskenë për të përmbysur Lukashenkon në një grusht shteti, disa nga retorikat më të forta të Moskës mbi krizën.

“Në thelb po flasim për një përpjekje të maskuar dobët për të organizuar një tjetër” revolucion me ngjyra “dhe një grusht shteti anti-kushtetues, qëllimet dhe objektivat e të cilit nuk kanë asnjë lidhje me interesat e qytetarëve Bjellorusë,” u citua ai nga agjensia e lajmeve RIA.

Naryshkin akuzoi Uashingtonin për financimin e blogerëve anti-qeveritarë dhe trajnimin e aktivistëve përmes OJQ-ve dhe për mbështetjen e të tjerëve, përfshirë udhëheqësen e opozitës Sviatlana Tsikhanouskaya e cila u largua nga vendi për në Lituani  pas një goditje policore.

“Sipas informacionit të SVR, Shtetet e Bashkuara po luajnë një rol kryesor në Bjellorusi,” tha ai.

Prej kohësh, Rusia fajëson Perëndimin për revolucione të tilla si Revolucioni i Trëndafilave i Gjeorgjisë 2003 dhe Revolucioni Portokalli i Ukrainës 2003-04, në të cilin Rusia tha se Perëndimi mbështeste protestuesit.

Protestat masive që nga zgjedhjet e 9 gushtit të “mbuluara” me akuza për manipulim votash,  kanë paraqitur kërcënimin më të madh deri më tani për Lukashenkon dhe mbështetja e Kremlinit është bërë jetike për të zgjatur qeverisjen e tij 26-vjeçare. s.b/abcnews.al/