Gjykata Basmani e Moskës lëshoi një urdhër arresti për një periudhë dy mujore për avokatin Igor Sergunin, i cili përfaqëson politikanin e opozitës rus të burgosur, Alexei Navalny, me akuzën e pjesëmarrjes në një “organizatë ekstremiste”.
Kërkimet u kryen këtë mëngjes edhe në banesat e avokatëve të tjerë të Navalnyt, Vadim Gobzev dhe Alexei Lipster, sipas kreut të departamentit juridik të ekipit të Navalny, Vychislav Ghimadi. Kontrollet në shtëpitë e tyre janë kryer nën akuzat për pjesëmarrje në një organizatë ekstremiste, tha Ghimadi.
Sipas faqes Mediazona, një hetim po zhvillohet edhe në shoqatën “Dalet” të Moskës, në të cilën marrin pjesë avokatët e Navalny. Sipas publikimit, hetimi po zhvillohet edhe në kuadër të çështjes për pjesëmarrje në një organizatë ekstremiste. Bordi i shoqatës përfshin Sergunin, Lipster dhe një avokat tjetër që kishte mbrojtur Navalny, Olga Mikhailova, e cila është larguar nga Rusia, njoftoi uebfaqja OVD-Info.
“Qëllimi kryesor i këtyre hetimeve është të lërë Alexei pa mbështetje ligjore dhe komunikim me botën”, shkroi bashkëpunëtori i Navalny, Georgy Alburov.
Leonid Volkov, një tjetër mbështetës i politikanit, vuri në dukje se Navalny së shpejti do të transferohet në një koloni të statusit special, “në një vend të fshehtë”. “Ky është një hap i tmerrshëm drejt izolimit të plotë të tij”, shtoi ai. /abcnews.al
