Kryeministri Rama njoftoi sot se nga 1 janari i vitit të ardhshëm pagat e mjekëve do të rriten me 40% ndërsa ato të mësuesve të arsimit parauniversitar me 15%. Ministrja e Arsimit Evis Kushi e cilëson këtë rritje për mësuesit si një dëshmi reale të mbështetjes ndaj kësaj kategorie.
“Rritja prej 15% e pagës së arsimtarëve duke filluar nga 1 janari i vitit që vjen është dëshmi reale e mbështetjes së qeverisë shqiptare ndaj kësaj kategorie vitale të shoqërisë, falë sakrificës e përkushtimit të të cilëve përmirësohet gjithmonë e tashmja dhe ndërtohet e ardhmja” shkruan ajo në Facebook. db/ Abcnews.al
