Rritet numri i viktimave për shkak të zjarreve që kanë përfshirën rajonin e Valparaiso, në Kili. Sipas autoriteteve të paktën 99 persona kanë humbur jetën.
Erërat e forta kanë bërë që flakët të përhapen me shpejtësi duke vështirësuar punën e ekipeve zjarrfikëse për të neutralizuar flakët. Autoritetet shprehen të frikësuar pasi numri i viktimave mund të rritet në vijim.
“Kjo është tragjedia më e madhe që po përjetojmë që nga tërmeti i vitit 2010”, kështu është shprehur presidenti i vendit Gabriel Boric në një fjalim drejtuar qytetarëve.
Ndërkohë vendi ka shpallur gjendjen e jashtëzakonshme. Më shumë se 90 fronte janë ndezur në të gjithë vendin, duke djegur më shumë se 400,000 hektarë deri më tani, ndërsa dhjetëra persona konsiderohen të zhdukur.
/abcnews.al/
