Një 25-vjeçar është arrestuar nga karabinierët në Mottola, në zonën e Tarants.
Ai akuzohet se ka keqtrajtuar xhaxhin e tij me probleme mendore, e ka filmuar dhe më pas videon e ka postuar në internet.
Hetuesit arritën të posedonin një prej videove që u bë virale, në të cilën shfaqej një i ri që rrihte një person me probleme të dukshme psikike, duke përdorur një bastun.
Na analiza e pamjeve ata kanë mundur të identifikojnë sulmuesin dhe viktimën.
Kur karabinierët shkuan në shtëpinë ku kishte ndodhur ngjarja gjetën 57-vjeçarin të mbyllur në një dhomë, pa ujë dhe pa pasur mundësi të dilte.
Brenda dhomës karabinierët gjetën dhe sekuestruan një kamera të vogël të pajisur me Wifi si dhe bastunin me të cilin ishte rrahur 57-vjeçari.
Viktima është shpëtuar dhe është transportuar në spital.
Gjendja e tij shëndetësore është e mirë, por në trup janë konstatuar të nxira të ndryshme.
Sakaq, nipi, i identifikuar si autori i dyshuar i dhunës së paraqitur në video, u arrestua me akuzën e keqtrajtimit familjar dhe rrëmbimit./Abcnews.al./
