Miliarderi rus Roman Abramovich ka paditur Këshillin e Bashkimit Evropian, në Gjykatën Evropiane të Drejtësisë në Luksemburg.
Ish-pronari i Chelsea FC paraqiti çështjen ligjore në gjykatën e përgjithshme të BE-së të martën. Këshilli i BE-së sanksionoi Abramovich, i cili ka nënshtetësi ruse, izraelite dhe portugeze, si pjesë e një grupi masash që synojnë Rusinë dhe aleatët e Vladimir Putinit.
Ai ishte një nga disa oligarkë rusë të goditur me ndalime udhëtimi dhe ngrirje të aseteve nga BE në mars. Në atë kohë, blloku tha se ai kishte “akses të privilegjuar me presidentin rus dhe ka mbajtur marrëdhënie shumë të mira me të”, të cilën Abramovich e ka mohuar me forcë.
Oligarku u detyrua nga qeveria e Mbretërisë së Bashkuar të shesë klubin e Premier League, Chelsea, pasi u sanksionua në fillim të këtij viti për pushtimin brutal dhe barbar të Putinit. /abcnews.al
