Fitorja 2-0 ndaj Beneventos ka rikthyer qetësinë te Milani. Kapiteni i kuqezinjve, Alessio Romagnoli u rikthye të luajë si titullar, teksa analizoi ndeshjen dhe fitoren e sotme për mikrofonat e DAZN.
“Fitorja ishte thelbësore. Në Romë ndaj Lazios, nuk zhvilluam një ndeshje të mirë. Duhet të japim më shumë nga vetja, të vazhdojmë kështu dhe të mbledhim sa më shumë pikë.
Situata ime? Zgjedhjet i takojnë trajnerit, unë jam gjithmonë në dispozicion. Do të jap gjithçka nga vetja për aq kohë sa të jem këtu. Duhet të sigurojmë kualifikimin në Champions, kjo është gjëja më e rëndësishme.
Jemi në gjendje të mirë, por duhet të izolohemi nga kritikat. Le të mendojmë vetëm për ndeshjet që na presin, duhet të prezantohemi sa më mirë në duelin me Juventusin.
E ardhmja? Më ka mbetur edhe një vit kontratë me Milanin, kësaj pyetje duhet t’i përgjigjen drejtuesit e klubit“, deklaroi qendërmbrojtësi italian. /abcnews.al
