Një 17 vjecar është shpëtuar nga mbytja në plazhin e Velipojës, mëngjesin e së hënës. Adoleshenti që u gjend në rrezik nga dallgët në det u nxor në breg nga rojet bregdetare.
Mjekët e qendrës shëndetësore verore të Velipojës, të cilët i erdhën në ndihmë tregojnë se 17-vjeçari ishte në gjendje të rëndë fillimisht.
“U përballëm me një rast shumë të vështirë, na informoi urgjenca kombëtare për mbytje në det. U nisëm menjëherë, shkuam në vendngjarje, ishte një djalë 17 vjec, sapo e kishin nxjerrë rojet bregdetare.”
“Ishte kod i kuq, puls shumë i dobët, në momentin që u soll në qendër shëndetësore filloi stabilizimi. Fatmirësisht nuk e transportuam në Shkodër, u largua pas dy orësh.”
17-vjeçari ndodhet jashtë rrezikut, ndërsa një falenderim ka për ekipin e bluzave të bardha që e shpëtuan jetën.
“Dua të falenderoj stafin e qendrës këtu sepse isha gati dukeu mbytur dhe më shpëtuan jetën.”
